Blog

Here you can add category description. If this is useful in your case, then just insert description when you are adding new category. You can also change this by editing existing category.

Sushi Tokumi (德美壽司)-再次Encore 的德美壽司

之前喺沙田食過一次德美壽司,印象深刻
所以星期五晚同呀哥決定去紅磡食德美

佢個青瓜蟹子沙律,雖然睇落好簡單好普通
但我覺得佢哋整得好食 青瓜幾爽口幾Fresh
成個感覺都好清新 係平凡中的不平凡
作為前菜 開胃又清新岩哂☺️

壽司都係散叫的,最吸引就係吞拿魚茸鵪春蛋壽司
之前係美國食過類似既壽司 所以番香港見到都會叫
好滑身 成個配搭都幾襯 相反海膽壽司今次一般
吾係太鮮甜 但其他都不錯☺️

仲有值得一提既係燒銀雪魚呀
真係勁好食 好滑好有奶香
連吾食魚既呀哥都話好好食

可能我哋太遲去
原本想叫某啲壽司都話賣晒
同埋原本一心打算去食牛油果軟殼蟹卷 點知又無哂
最後叫咗個鵝肝帶子卷 好膩呀 飽到食吾哂
不過整體食物質素都吾差的 價錢合理
(more…)

Yuzuheya 柚屋-日本感覺的咖啡小店

呢間應該是以柚子作其特式的咖啡店
閒日黎食左個拉麵做lunch
叫埋杯咖啡用黎送書
閒日黎冇咩人 坐得好舒服
柚子湯底拉麵好開胃
配料係雞扒 同半隻流心蛋呀好正❤️
飲品試了 rose coffee
甜甜苦苦的 無論係聞定飲都有好香嘅rose味啊~
店內裝潢真係好似日本嘅文青咖啡店
連播嘅音樂都好「日本cafe」 好舒服
價格合理
長湯灣行過去都係幾分鐘啫
真係要多d黎幫襯 支持香港小店
(more…)

Petrus-Shangri La – Petrus

男友早前book左港島Shangri La 56樓果間Petrus同我去試下!佢話知道景靚而我又未試過呢間 所以帶我食個生日午餐 食食下仲見到立法會主席係隔離食緊飯

大家都叫左個4course,吾係講笑飽到抱住個肚走!
前菜既Beeftartare味道比較普遍,比起Caprice個beeftartare有點比下去 !!
頭盤叫左個Grilled octopus, 食落有驚喜
烤既時間應該掌握得好,口感剛剛好 吾會過左光,
再配搭個sauce 食,好味
Main course佢地有成7個選擇 真係樣樣都想試
花多眼亂 最後都係叫左個烤牛柳配煎鴨肝
個牛柳半成熟剛剛好 外香內軟 肉質都好鮮嫩
配上香濃既煎鴨肝 真係感覺好豐富好rich !
甜品係牛奶朱古力 榛子焦糖vanilla ice cream
嘩 呢個甜品堅係超級肥 不過真係好好食
但係一個人食真係太過膩了
食完要游番十個鐘水先可以消耗到佢嘅卡路里
食完餐廳送上精美甜品,仲要有成5款
老實說真係好飽 最後extra叫多杯coffee
傾下計 慢慢嘆, 咁又一個下午了☺️

老實說餐廳環境同服務是滿分的
食物食材既質素新鮮 不過味道偏濃
價錢午餐人均 around $750
都值得一試
(more…)

Green-再次番黎嘆Afternoon Tea

由於冇得book枱,最好2:30準時到去排隊。
用餐時間3-5點,2人同行加完一,總數大約500幾。
今次食物冇上次食咁有驚喜,但服務態度很好。因為今次同行帶埋BB,所以安排了舒適的沙發座位,BB凳和BB餐具。服務員不時都同BB玩下,態度很親切。
(more…)

Kimaki Japanese Restaurant 木槇料理-日本料理

咁岩經開灣仔 見合和對面QRE Plaza都好似幾多野食
最後選擇左呢間 木槇料理

晚市時段吾算超多人 Walkin都有位置
當晚個Waiter好熱情 好主動
佢係咁不停介紹當日新鮮運到既海鮮
佢介紹左我地食池魚 話下午5:30岩岩到貨勁新鮮
咁我地就叫左個池魚刺身 , 賣相都幾吸引
有厚切部分亦都有薄切嘅部份,食到兩種口感
肉質鮮嫩 真係幾新鮮 值得一讚
之後加多小小錢 將個魚骨比師傅整埋個麵豉湯
真係超級鮮味

叫左個我平時之愛既卷物「牛油果炸大蝦卷」
好好食呀 牛油果和上剛炸好既大蝦天婦羅
真係好夾 雖然比出面既卷物貴左小小
但味道真係更勝一籌

之後就黎左個 燒喜之次
呢個真心失望 差吾多成$300
同我地平時食既出入好大
條魚燒得好乾身 食落個魚既肉質直情有啲硬
估計條魚本身唔肥美 因為佢冇油份 一D油份香口都無
平時出邊食係好肥美 油分好重好香口
呢間嘅喜之次不值一試:(

最後叫多左個日本雪花和牛炒飯
呢個炒飯師傅落咗牛肉燒汁去炒
但佢炒得唔夠乾身 食落個飯都係燒汁味
變左無咩特別

餐廳嘅整體感覺都算唔錯
環境乾淨舒服 服務都算好熱情
價錢偏高但食物質素算不錯
本人會比較推介佢哋嘅刺身或壽司卷物類
(more…)

潮越嘗-[花生食記] 深水埗地踎健康食店

我同某位都係住係深水埗嘅女性朋友食飯,永遠必食一樣嘢 — 淮山羹。事緣呢位朋友都係識食之人,做飲食相關行業多年,食盡天下好食,要食餐好嘅從來我都由佢發板。係唔大飲大食嘅日子,朋友會食得健康。某次街坊平時食飯,佢問我,有冇食過淮山根。淮山,細細個阿媽煲湯時已經食,衫板一塊冇乜味。到近年某啲餐廳會炒新鮮淮山,都叫食過下。但今次食嘅淮山羹,真係一食愛上。廚師用新鮮嘅靚淮山煲到好似粥一樣,配肉丸或者鯪魚球稍稍調味,好食過粥舖嘅粥之餘,仲要唔會好似粥咁升糖快(low GI),更少糖份,而且有健脾益胃等等療效。新鮮淮山處理比較麻煩,去皮嘅時候會令皮膚敏感。難得有食店不厭其煩咁烹調呢個菜式仲要唔加味精,都只係賣三十零蚊,點可能會走寶呢?所以自此朋友約我街坊食飯,我哋都會一人隊一碗淮山羹。即使係有跟飯,隊完已經好夠飽,食唔落。

除咗必食嘅淮山根之外,呢間豆膶咁細嘅小店仲有好多好食嘅嘢食。今次叫咗嘅係蒸瓜子斑,係新鮮買番嚟嘅海斑嚟,即叫即蒸冇蒸老啲肉滑捋捋,魚仔細細兩個人剛剛好。價錢稍為貴少少七十幾蚊,一分錢一分貨啦。

呢度蠔餅春卷都好好食,有機會再介紹。
(more…)