Blog

Here you can add category description. If this is useful in your case, then just insert description when you are adding new category. You can also change this by editing existing category.

校長燒肉日韓料理-

1,元朗該區食肆多,不計算某幾間例需排隊的迴轉壽司,校長燒肉店在星期六19:15之前已有不少客人在排隊等候入座已很不錯,有些其他店舖根本就有不少吉位。
2,星期六晚上收費兩百多一位算合理(但限時兩小時),雖然元朗區消費能較低,但消費兩百一位以上的食肆仍不少,所以還是要考慮食物素質及服務。
3,限時已經是越來越多食肆會使用的,特別是任飲任食店常用的。除了佐敦漢和(可能其他漢和也是)任飲任食也是不限時外,都沒有那些不限時了。
4,服務員接待客人也很不錯,除了最初向客人推介那張隔油紙的後生仔可能仍是太後生。那後生仔很努力解釋那張七蚊的隔油紙很多客人都選擇,而且是數量不限(即可以不斷換)。但其實他可能對隔油紙如何”更健康”,都只是”照書讀”,假如客人想試試他,他還是有機會答錯。
5,七蚊隔油紙有這效果是我也沒預期,估不到效果很好,值得其他燒肉店參考。不過 …… 那七蚊如果可以”豪”給客人,也可以是不錯的選擇。
6,店員(隨時是店長本人)四處問客人是否甚麼特別日子 …… 客人回答後 …… 不知問的原因 …… 但答案是會出現的 …… 店舖為客人預備了簡單的蛋糕甜品,字及圖也是負責人親自動筆的!很有心思 …… 所以如果是特別原因去光顧,負責人必定在圖或字有所表示。
7,飲品?一般的任飲飲品,不要有太大的期望,但亦沒有特別失望。事實上,很少任飲食肆會有較特別的飲品,所以只要不是選擇過少,就可以了。
8A,食物呢?有刺身,款數不算多,但品質不差,於燒肉店中附上刺身,已是很不錯,再加上不會是不新鮮的刺身,還想如何?今天吃的刺身蝦,更類似泰式的刺身蝦,加上帶子亦算大大粒(當然鮮甜味就必然有不足),隨時好吃過某些平價壽司店;
8B. 沙律我沒有試,但感覺問題不大,只是吃了其他,個人選擇矣;其他熟食款式不算多,但也不錯,始終這些不是主角菜色;人參雞湯平平,但夠熱;
8C. 燒的食物?妻子失望的是今天沒有午餐肉,但肉類及非肉類的選擇算不少;個人覺得,豚肉比牛肉的素質優勝,是關牛肉的選擇雖多,但肉質尚算較平庸,反而豬就很不錯。其他竟然有餃子,燒出來很不錯,台式腸也很好吃,用上隔油紙燒金菇遠較沒隔油紙食店燒出來的效果好,抵讚。留意,雖然對牛肉有點批評,但兩百多的價錢,又豈能與肉質較佳但隨時收費超過四百多的去比較?但牛肉始終是食肆可能值得留意去作出細微調整改善的地方。
8D. 甜品?飽肚了…… 吃了蛋糕又吃了雪條/雪糕後,真是沒試其他甜品了,但既然說了有其他,即是有其他選擇。
9. 雖然時限兩小時,但有些客人不需要用足兩小時而早已離座。我與妻子就用足那兩小時(以上)慢慢吃呢!
10. 位置:店舖在茜菁街也不算難找,而且附近大量停車場,只是停車場收費也不便宜。街位?如遇到街標位,當然最好。其他公共交通?還是行出去大馬路那邊吧… 不太遠…
11. 是否會再去?我其很少去元朗吃晚飯的 … 但妻子就已說希望帶女兒也嘗試嘗試 … 幸好荃灣也有分店 … 所以可能下次試去荃灣 … (但荃灣可能更多人?)
(more…)

Canapes Room (圓點工房)-三三食不盡……圓點工房

今日係Happy Friday,我同同事S都想食個好d嘅lunch慰勞一下自己。S記得早排經過一座工廈有間餐廳貌似唔錯,想搵日試試,今日就決定食呢間啦!於是乎,兩個餓到差d喺Office食A4紙嘅妙齡少女(笑)就急急腳搵路去圓點工房食個靚飯~~~

我地本身都喺附近返工,所以都唔太難搵。火炭工業區真係禾桿冚珍珠,一座座其貌不揚工廈入面其實隱藏好多美食,遲d有機會一定同大家分享!

一入到去坐低,我地睇兩睇menu就已經決定到食咩(因為真係好肚餓XD),之後我個懶鬼同事S就派我出去點餐比錢。我叫嘅係H.重量級大胃王牛肉漢堡配薯角($69),飲凍蜂蜜綠茶(凍飲+$3;同事S叫嘅係D.溫泉蛋卡邦尼長通粉($68),飲熱蜂蜜綠茶。

唔知係咪頭先急急腳行過黎,覺得好口乾。我見枱上有支水就斟黎飲啦,再望清楚d原來係經過國際認證嘅Diamond鑽石水!連飲用水都咁注重,真係值得一讚~

兩個餐一陣就先後送到,唔洗等好耐,I like it!最怕返工食lunch仲要等一大輪,香港人最緊要快XD原本個餐跟餐飲+餐湯+蒜蓉包,但餐湯已經送曬(淚)首先食塊蒜蓉包先,好香但美中不足係唔夠熱辣辣、脆卜卜。

我個餐到先,嘩~果然係重量級大胃王牛肉漢堡,份量十足!沙律好fresh,薯角調味剛剛好!好彩我人如其名“三三食不盡”,一般女仔食量就可能食唔曬XD S個溫泉蛋卡邦尼長通粉亦都到埋,S表示加埋蛋汁好creamy~不過食到尾覺得有d dry,因為冇咩配菜,如果可以加返多少少雜菌就very good喇!飲品方面,佢個蜂蜜綠茶並唔係交行貨比“道X”你,而係真正加蜂蜜落綠茶,如果再大杯d就更好喇!

呢到各方面都唔錯,可以encore!
(more…)

韓舍-

有海鮮火鍋或燒烤兩款任客人選擇。
火鍋由於有海鮮,價錢較貴;燒烤款式就較如一般韓燒,但未嘗試,不願評論太多。
海鮮火鍋呢?龍蝦很新鮮,由生猛活的煮到熟。
不過,由於海鮮料有不同,卻同一時間開始煮,所以,總有些海很易煮老了,由浪費了……
其實,還有其他聲稱自助餐食品給客人吃的,但選了吃海鮮火鍋的話,吃不到太多其他東西了。
整體上而言,海鮮火鍋,有新鮮感,一試無妨;是否要多試多吃?那就變成個人選擇,沒絕對答案。
價錢?海鮮火鍋…… 尚可吧……

那麽,是否沒有較不滿的東西?清酒(熱)沒試,咖啡尚可…… 但汽水是汽水機(沒氣又加上是百事……),果汁有一點都不吸引的果汁先生…… 還有甚麼…… 總之是飲品不吸引吧……
(more…)

琥酌-琥酌- 最愛吉列霜降牛

#ysafood推介 #召喚食肉獸

鹿兒島黑毛和牛會席料理($1188 for two) | 辛苦左五日 星期六梗係要食番餐好黎獎勵自己啦

講真琥酌既吉列牛好值得食 有A5和牛、霜降同安格斯3種級數既牛比客人選擇 個人偏好級數同價格均屬中位既霜降牛 肉質比安格斯鬆化但冇和牛咁油膩 而會席料理亦包括各類前菜、鰻魚飯等元素 全部都味道出眾 如果會席料理太多野食驚食唔哂 呢度亦有一系列吉列牛定食比大家選擇 價錢由$1xx起 悉隨尊便 情人節/date night未諗到食咩既話 琥酌絕對係個好選擇啊 ☃️

Taste:
Value for Money:
Service:
(on a scale of 0-5 emojis)
(more…)

Espuma Central-

專程黎中環都係為左呢個靚靚Cotton Candy Fondue Tea Set咋 個tea set真係超級夢幻 啱哂我呢啲港女影一萬張相再慢慢嘆☺️

我地揀左Earl Grey味做fondue底。同我預期唔同,個earl grey sweet soup完全唔會過甜,反而真係超級重伯爵茶味,好香好濃,就咁飲都覺得好好味

呢個tea set咸甜點各一半。我個人比較中意咸點,特別係個炸雞waffle同炸魚薯條筒☺️ 而甜點方面 三色粉圓同waffle同個earl grey soup簡直係perfect match!! 食哂甜咸點後仲淨番啲earl grey sweet soup 好味到我唔小心飲哂hahahaha

另外 店員幾款冬日特飲比我地 既然一場黎到就唔爭在試埋啦 真心超推介呢杯熱朱古力奶 除左好似一個火山仔好得意之外,朱古力味亦夠哂濃 好想encore多杯 但真係太飽飲唔落嚕 我個friend話杯班蘭味朱古力奶都唔錯架 唔會太甜咼

總括黎講 呢個cotton candy fondue tea set只係$248算好抵食 仲要一路食一路望住中環靚景 真係食得好滿足啊❤️
(more…)

心夜來潮-

其實我去既係荃灣分店,但未顯示到喺呢個app度 ,但我照打住食評先啦

荃灣三陂防又稱為潮州街,因為成條巷都開滿大大小小既潮州菜館。夜晚去到就會見到每間菜館既侍應行出鋪外sell自己間餐廳,招呼客人入去,都幾有特色 而我今晚就黎左街尾既心夜來潮,估唔到真係咁正!!

第一眼見到本menu個封面已經覺得好靚。Menu都算多野食揀,亦都分好哂唔同section,就算唔係食開潮州野都好容易揀要啲咩。店員主動走過黎叫我地一定要試佢地招牌菜- 潮汕砂鍋粥。我地揀左膏蟹($120)同蠔仔($60)配粥。

我想講,唔食由自可,一食真係不得了,因為真-係-好-好-好-正!先講個粥本身,煲得好綿好滑,食落好似以前跟婆婆番潮州鄉下食過既味道,童年回憶都番哂黎 另外,啲膏蟹真係好多膏啊 啲蟹膏分散喺成鍋粥度,差唔多啖啖都食到:mad:加上啲蟹好足料,相信海鮮愛好者見到都會好興奮!啲蠔仔都落足料,唔會成鍋得果幾粒咁

另外,黎之前已經睇過啲食評介紹牙籤雞($58),所以亦都試左呢味咁趣緻既餸 啲無骨雞塊炸得好香脆,咬落仲有「卜卜」聲,好味!

仲有一樣必食既就係「亂棍打死豬八戒」($88)。本身的確係因為個咁得意既名先嗌,估唔到係咁好食!豬肉每塊肉質都夠爽,連四季豆下齊炒得超夠鑊氣,好有大排檔高質小炒既感覺❤️

最後,黎食潮州小炒又點可以唔飲啤酒呢?嗱嗱臨攞起隻戰鬥碗飲勝先

後記:今餐真心食得好滿足,最衰得兩個人唔食得幾好,下次一定要叫多啲人黎試埋我最愛既蠔餅同烏頭先得!
(more…)

小食館茶餐廳-

不會有期望,不會有失望,屯門區存在的一間蚊型茶餐廳!
食物還未到已經在打食評!
那麽,是否對食店不公平?
不會!因為,這樣子的小店,不應該期望有驚喜,如果有驚喜,才是奇怪!
那麽,為何要幫親?
不多點幫親小店,日後就越來越剩下大型連鎖式的食店!
選擇麻麻不是因為食物味道,而是環境。不會選擇憤怒了,是因為根本不是那麽差。
大家多點去不同的小店食食食吧!否則,小店其實只是在不斷消息……

後記:牛肉粗炒,即炒,熱熱的拿來,沒有上海式的味道,但還是有港或味道。
(more…)

Tokyo Tsukiji 東京築地拉麵-

午餐不強求甚麼,看到不用等位的築地,就走進去填肚。
午餐可以用半額(半價)另叫小食,但既然吃了早餐,所以沒試。但半額選擇不少,而且價錢不算貴(半價後更不貴)。
午餐麵五十多元有汽水或綠茶,還想點?
味道?我點了的是雪印牛油叉燒拉麵,如果牛油未溶入麵的話,湯底平平,但加入牛油後,尚可,不算太差。
幾十蚊咋……所以還想如何?
我會覺得合格,亦是不想等位的人可以一試。
(more…)